(اسبوع) محمد جارالله السهلي :

اسبوع ولا وصل منك مرسال
ياقو قلبك كيف تقطعني اسبوع
الجوع كافر وانت ما ترحم الحال
وانا عليك من الوله ميت(ن) جوع
ياللي غيابك صعب يطري على البال
تركتني ضايق وحاير و مفجوع
ما كني الا شايب(ن) فاقد عيال
وما كنك الا محرم(ن) حق مشروع
يفوع لك قلبي ليا مر الاطلال
ياليت مالي قلب يشتاق ويفوع
حسبي عليك وشلون قطعت الآمال
باموت لا صار الأمل فيك مقطوع
ياصاحبي ماكل نزال رحال
انت الحيا من وين مارحت متبوع
نسياني لزول(ن) بالأعماق يختال
اصعب على صاحبك من حبة الكوع
لو الثمن في شوفتك عمر رجال
كان الثمن من يوم ما غبت مدفوع
ولو القدر ما تم قوله ليا قال
ما ضاق صدر وم انحنى راس مرفوع
يا صاحبي عشقتني فعل و خصال
و انا عشقتك شعر واحساس و طبوع
وشلون تتركني كذا لأشهب اللال
وقدام عيني تجف ينبوع ينبوع
وانا عشانك جيت والغيم همال
اسيل الوديان و أداحم جموع
ماردني عنك سواليف عذال
تزعل علي ربوع و تقدر ربوع
كان المهم اعيشك جنون و وصال
ويكون لي كلمه ولي راي مسموع
واليوم ضاقت بي من الجال للجال
فرقاك تقسم ظهر و تحز و تلوع
لو جيت شفت الحال ما سرك الحال
في غيبتك ضايق و حاير و مفجوع
هذا غياب اسبوع وشلون لو طال
طالبك لا يطول غيابك عن اسبوع
وسلامتكم وصح لسان الشاعر وصح يدي هههههه